Свисслион Пелистер - Фершпед Работнички на стартот

Завршниот турнир на Купот на Македонија во машка конкуренција, кој е закажан за Битола, ќе стартува на 12 април (четврток) со натпреварот помеѓу Свисслион Пелистер и Фершпед Работнички.

Вториот натпревар, закажан да се одигра истиот ден е помеѓу Вардар Осигурување и Фени Индустри.

Победниците од овие две средби ја формираат првата полуфинална двојка, која ќе го одигра својот натпревар на 14 април (сабота).

Лидерот во Космофон Супер лигата, Струмица 2005 за противник во четвртфиналето ја доби првопласираната екипа во Космофон Првата “Б“ лига, Амак СП. Мечот е закажан за 13 април (петок).

Последната четвртфинална двојка, која ќе се игра истиот ден, ја сочинуваат МЗТ Скопје и второпласираниот тим од Космофон Првата “Б“ лига, Карпош Соколи 2000.

Победниците од овие две средби ја сочинуваат втората полуфинална двојка, која треба да се одигра на 14 април.

Финалето во машка конкуренција е закажано за 15 април.

Првата полуфинална двојка од Купот на Македонија во женска конкуренција ја сочинуваат Билјана 006 и Вигор Скопје. Овој полуфинален натпревар е закажан за 13 април.

Вториот полуфинален натпревар, помеѓу Изградба Комерц Младинец и Водњански лисици, е закажан за 14 април.

Победничките екипи во двете полуфиналиња ќе го играат во финалето, кое е закажано за 15 април.